Këshilli i Bashkësisë Islame në Gjilan dhe Lidhja e e Historianëve të Kosovës “ Ali hadri” dega në Gjilan, për nderë të 20 vjetorit të çlirimit të Gjilanit dhe me rastin e 70 vjetorit të martirizimit të Mulla Idriz Gjilanit organizuan simpozium shkencor , në të cilin morën pjesë më se 20 referues nga të gjitha trojet shqiptare.
Pas mbajtjes së fjalës së hapjes nga z. Naim Musliu, Kryetar i Lidhjes së Historianëve “ Ali Hadri “ dega në Gjilan. Pjesëmarrësit e simpoziumit i përshëndeti Kryetari i KBI në Gjilan pasi shprehi mirëseardhje referuesve dhe mysafirëve, ndër të tjerë tha: Mulla Idriz Gjilani flijoi veten duke u bërë kurban për të mos vdekur kurrë.
Mandej punimet e simpoziumit i përshëndeti edhe z. Lutfi Haziri kryetar i Komunës dhe Myftiu i republikës së Kosovës z. Naim Trnava.
Kryetari i Gjilanit ka rikonfirmuar se më 28 nëntor figura e Mulla Idriz Gjilanit do të skalitet në broz në një vend meritor në qendër të Gjilanit.
“Mulla Idriz Gjilani u kryengrit në kohët më të vështira dhe mbiemrin e tij ia la historia. Në Luftën e Dytë Botërore, kur iu mohua Atdheu dhe Zoti, ai e la familjen e tij dhe u kryengrit. Mohimi i atdheut për të ishte mohim i gjithçkaje dhe natyrisht edhe misioni i tij prej predikuesi të fjalëve të Zotit, u bë shembulli se si duhet të kryengitesh. Në histori, ai e la thirrjen më të madhe të luftëtarëve të Karadakut: në emër të Zotit e Atdheut”, tha kryetari Haziri.
Myftiu Naim Tërnava theksoi Mulla Idriz Gjilan tërë jetën ia kushtoi edukimit, arimimit dhe përparimit të popullit të tij, si dhe organizimit dhe mbrojtjes së vendit të tij deri në flijim
“Ideali për lirinë e vendit tonë për liri nuk u shuar asnjëherë. Ky ideal u bartë brez pas brezi dhe falë angazhimit të bijëve dhe bijave tona, falë ndihmës së miqve tanë ndërkombëtar, tash e dy dekada ne jemi të lirë. Është rast i mirë që të shpalosen vlera, figura dhe sakrifica sublime e hoxhës, myftiut, edukatorit, patriotit, prindit e familjarit, Mulla Idriz Gjilani, i cili tërë jetën ia kushtoi edukimit, arimimit dhe përparimit të popullit të tij, si dhe organzikmit dhe mbrojtjes së vendit të tij deri në flijim”, ka thënë Tërnava.
Në këtë simpozium janë paraqitur historianë nga të gjitha trevat shqiptare, të cilët me punimet e tyre shkencore kanë ndriçuar edhe më shumë figurën e Mulla Idriz Gjilanit.
Kumtesat e tyre në simpozium i lexuan, Qerim Lita, Farush Rexhepi, Hasan Bello, Ilir Zylfiu, Fitim Rifati, Naim Musliu, Sadik Mehmeti, Ramadan Shkodra, Arbër Berisha, Detor Berisha, Jeton Idrizi, Enis Abazi, Besnik Kurteshi, Nexhmedin Sejdiu, Veli Kryeziu, Merita Veseli, Enver Sadiku, Zaim Zymeri, Blerim Haziri Avni Maliqi dhe Ilir Vokshi.
Isa Mulla Idrizi, i biri i Mulla Idriz Gjilanit, ka evokuar kujtime për babain e tij, duke thënë se kjo është ditë e madhe për pasardhësit e Idriz Gjilanit, ditë rilindjeje, ditë e kujtimit të jetës dhe veprës së këtij atdhetari.
