Këshilli i Bashkësisë Islame në Gjilan, në krye me Naim efendi Aliun, organizoi iftar për përfaqësuesit e xhemateve të xhamive të komunës në Restorantin “ Paris”.
Me këtë rast kryetari i Këshillit të Bashkësisë Islame në Gjilan falënderoi pjesëmarrësit dhe foli rreth vlerave të dhjetë ditëve të fundit të Ramazanit. Përveç tjerash kryetari Aliu, falënderoi xhematin për kontributin e dhënë jetës fetare, mirëmbajtjen e xhamive dhe institucioneve tjera fetare në Kosovë.
Në fjalën e tij, Efendi Aliu, me theks të veçantë foli për rëndësinë që ka dhënia e Zekatit dhe Sadakatul Fitrit për funksionimin e institucioneve fetare të lartpërmendura.
Për nderë të iftarit të shtruar, shije të veçantë i dha prezentimi i korit të KBI, me disa Ilahi.
Në shenjë respekti për Këshillin e Bashkësisë Islame, të komunës së Gjilanit dhe besimtarëve, iftari për mbi 300 pjesëmarrës donacion i Restorantit “ Paris” me pronar Hajrush Azemi.
/Admin/
